tg-me.com/ibratdir_dunyom/7273
Last Update:
Аёлингизнинг кўнглини олинг, чунки...
Имомдан сўрашди:
— Домла, уйда хотиним бақираверади. Нуқул асаби таранг. Шундай ҳолатда уни уришим ёки бирор жазо қўллашим мумкинми? Ёки бошқа бирор чораси бўлса, айтсангиз.
— Фарзандларингиз борми?
— Ҳа, уч боламиз бор, алҳамдулиллоҳ.
— Ундай бўлса, чораси осон: хотинингизни икки кунга отасиникига юборинг, болаларни эса олиб қолинг-да, ўзингиз қаранг. Икки кундан кейин яна олдимга келасиз, кейин жавоб бераман...
Алҳосил, аёлларнинг асабийлиги, тоқатсизлиги кўпинча, турмуш тарзининг бир хиллигидан бўлади. Фақат уй юмушлари, бола-чақа бақир-чақири уни зериктиради. Шунинг учун аёлингизга уйда ёрдам беришга ҳаракат қилинг, имконингиз етганича кўчада айлантириш, совға улашиш, уни хурсанд қиладиган ширин сўзлар айтиш каби кутилмаган ҳаракатлар билан кўнглини кўтариб туринг...
Ибрат излаганга — ибратдир дунё